Sekretari i Shtetit i SHBA-së, Marco Rubio, ka thënë se Iranit “nuk do t’i lejohet kurrë” të vendosë se kush kalon nëpër rrugët ujore ndërkombëtare.
Kërcënimet e Iranit ndaj transportit detar në Ngushticën e Hormuzit kanë mbyllur në mënyrë efektive rrugën kryesore, që normalisht trajton një të pestën e tregtisë botërore të naftës, transmeton Telegrafi.
Rubio i tha emisionit Good Morning America të ABC-së: “Iranianët po kërcënojnë se do të krijojnë një sistem të përhershëm në Ngushticën e Hormuzit, ku ata mund të vendosin se kush kalon nëpër rrugët ujore ndërkombëtare. Kjo nuk do të lejohet kurrë të ndodhë”.
Ai shtoi se Trump “ka disa opsione në dispozicion”, transmeton Telegrafi.
“Departamenti i Luftës po përgatit opsionet për presidentin për këtë dhe për situata të ndryshme të paparashikuara që mund të lindin”, tha Rubio.
“Kjo është ajo që duhet të ndodhë gjithmonë në situata të tilla”, shtoi Sekretari amerikan i Shtetit. /Telegrafi/