Angelina Jolie u shfaq elegante në një event të Tom Ford në Shangai, ku zgjodhi një veshje të bardhë mëndafshi nga koleksioni SS/26 i markës.
Aktorja 50-vjeçare e kombinoi pamjen me buzëkuq të kuq të theksuar “Scarlet Rouge”, duke e bërë dukjen edhe më tërheqëse, ndërsa u paraqit me flokë bjonde të çrregullta dhe grim minimal, shkruan DailyMail.
Si ambasadore e markës, Jolie u shpreh mirënjohëse për pjesëmarrjen e saj në event dhe theksoi se mezi pret të rikthehet sërish.
Gjatë mbrëmjes, ajo pozoi edhe me drejtorin kreativ të Tom Ford, Haider Ackermann, i cili festonte ditëlindjen e tij.
Paraqitja e saj vjen në një periudhë aktive në karrierë, pasi së fundmi ka qenë e angazhuar si producente dhe aktore në filmin “Couture”. /Telegrafi/
