Në episodin më të ri të podcastit “Arena e Yjeve”, mysafir ishte ish-futbollisti i njohur kosovar Suad Keqi. Ky episod realizohet me mbështetjen e sponsorit zyrtar Exfis.
Keqi ka zbuluar ndër të tjerash rrethanat në të cilat kishte ndodhur transferimi i tij te Lokomotiva Plovdiv në Bullgari.
“Në vitin 1994 përmes klubit të futbollit Kosova e Prishtinës, ku atëherë kryetari i tanishëm i FFK-së, Agim Ademi, më ftoi që të jem edhe unë mysafir i ekipit të tij, i cili do të shkonte në Plovdiv, ku do të zhvilloheshin dy ndeshje kundër Lokomotivës së Plovdivit”.
“Aty trajneri i ekipit të parë kur përfundoi ndeshja e parë ai kërkoi nga menaxheri i ekipit të atëhershëm, Rashit Zhinipotoku, i cili ka qenë edhe nënkryetar i klubit dhe i tha se unë duhet të mbetem aty dhe të vazhdojë të luajë aty”.
“Pas 6 muajsh aty kanë ardhur edhe Kushtrim Munishi dhe Muharrem Sahiti. Muharremi gjithmonë ka qenë krahu i djathtë i imi, më ka ndihmuar shumë në stërvitje”, ka rrëfyer Keqi mes tjerash.
Episodin e plotë me Suad Keqin mund ta ndiqni në kanalin zyrtar të Telegrafit në YouTube./Telegrafi/
– YouTube www.youtube.com