Një dron ukrainas i nisur drejt Rusisë u rrëzua në Lituani, ka njoftuar kryeministrja lituaneze.
Ushtria e Lituanisë tha dje se një dron i dyshuar kishte hyrë në hapësirën ajrore të vendit.
Raportohet se ai ishte rrëzuar në një liqen të mbuluar me akull rreth 19 kilometra larg kufirit me Bjellorusinë.
Kryeministrja Inga Ruginiene ka konfirmuar se droni vinte nga Ukraina dhe ishte drejtuar drejt Rusisë përpara se të humbiste rrugën.
“Ky nuk është një incident lokal. Agresioni rus kundër Ukrainës krijon rreziqe shtesë për të gjithë rajonin”, tha ajo.
Ndryshe, Lituania ka kërkuar më shumë mbrojtje ajrore nga NATO pasi dronët nga Bjellorusia zbarkuan aksidentalisht në territorin e saj dy herë në korrik 2025. /Telegrafi/
Burimi: telegrafi.com ↗