Poezi nga: Anna Akhmatova
Përktheu: Kolec P. Traboini
Zoti s’paska mëshirë për korrësit e kopshtarët.
Nga lartësitë bie shi i potershëm rrkajë
Mbulesa e gjithçkaje nis e merr ngjyra
Kupa e qiellit pasqyrohet nëpër ujëra.
Një mbretëri nënujore livadheve e arave,
Përrenjtë e valëzuar këndojnë, këndojnë,
Në degët e fryra shpërthejnë kumbullat,
Barërat e rrëzuara fushave kalbëzojnë.
Përmes rrëkeve të dendura të ujit
Shoh fytyrën e njohur të dashurisë,
Parkun e heshtur, pavijonin kinez
Dhe verandën rrethore të shtëpisë.
Lexo po ashtu:
– Rusja që e deshën përkthyesit shqiptarë
– Perëndesha e poezisë ruse
– Ne duartrokitëm, ne votuam …
Burimi: telegrafi.com ↗