Në Spitali i Përgjithshëm i Mitrovicës gjatë vitit të kaluar janë kryer mbi 19 mijë radiografi native, duke e bërë këtë metodë një nga mjetet kryesore diagnostike për pacientët.
Sipas njoftimit të spitalit, rentgeni nativ vazhdon të jetë një nga metodat më të përdorura në diagnostikim, pasi u shërben pothuajse të gjitha profileve mjekësore për vlerësimin e gjendjes shëndetësore të pacientëve.
“Në Spitalin e Përgjithshëm në Mitrovicë, përmes kësaj metode diagnostike mundësohet një pasqyrë e shpejtë dhe e qartë, e cila orienton hapat e mëtutjeshëm drejt diagnostikimit dhe shërimit të pacientëve”, thuhet në njoftim.
Nga spitali bëhet e ditur se radiografia përdoret veçanërisht në raste urgjente, kur kërkohet ndërhyrje e menjëhershme për pacientët në gjendje kritike, si dhe për monitorimin e pacientëve të shtrirë në repartet e spitalit.
Po ashtu, kjo metodë diagnostike përdoret edhe për rastet ambulantore, për kontrolle të rregullta dhe diagnostikime rutinë të pacientëve. /Telegrafi/