Një rast i vjedhjes së rëndë është raportuar në rrugën “Bajram Gashi” në Lipjan.
Sipas policisë persona të panjohur kanë depërtuar në shtëpinë e viktimës mashkull kosovar dhe kanë vjedhur para të gatshme si dhe stoli ari.
Rasti është raportuar tek autoritetet kompetente, ndërsa njësitë përkatëse policore kanë dalë në vendin e ngjarjes dhe kanë nisur hetimet për identifikimin dhe kapjen e personave të dyshuar.
Policia ka bërë të ditur se rasti po trajtohet si “vjedhje e rëndë” dhe hetimet janë në vazhdim për të zbardhur plotësisht rrethanat e ngjarjes. /Telegrafi/
Burimi: telegrafi.com ↗