Mesfushori i Barcelonës, Pedri, ka zbuluar se lojtari i Real Madridit që do të dëshironte më shumë ta shihte te katalanasit është Kylian Mbappe.
Ylli spanjoll gjithashtu pranoi me humor se do ta kishte shumë të vështirë të përballej në një duel shpejtësie me francezin ose me Vinicius Junior.
Duke folur në emisionin televiziv spanjoll “El Hormiguero”, së bashku me bashkëlojtarin Ferran Torres, Pedri u pyet se cilin futbollist të Real Madridit do të transferonte te Barcelona nëse do të kishte mundësinë.
Pa hezitim, ai iu drejtua Ferran Torresit dhe të dy ranë menjëherë dakord: “Po, Mbappe”.
I pyetur më tej se cilin kundërshtar nuk do të dëshironte ta kishte përballë në një garë shpejtësie, 21-vjeçari përmendi sërish të njëjtët emra.
“Një lojtar me të cilin nuk do të doja të përballesha në një duel shpejtësie? Pothuajse të gjithë, jam pak i ngadaltë”, tha ai me të qeshur, “Mbappe, Vinicius”.
“Po, kur topi i shkon Vinicius Juniorit, gjithçka që mund të bësh është të lutesh. Ai vrapon tre herë më shpejt se unë”, shtoi Pedri me humor.
Deklaratat e mesfushorit të Barcelonës pritet të nxisin reagime në Spanjë, veçanërisht për shkak të rivalitetit të madh mes dy gjigantëve të La Ligës. /Telegrafi/