KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

Vdes në moshën 95-vjeçare ylli i “The Godfather”, Robert Duvall

Vdes në moshën 95-vjeçare ylli i “The Godfather”, Robert Duvall

Aktori i shquar amerikan Robert Duvall ka ndërruar jetë në moshën 95-vjeçare.

Lajmi u konfirmua nga bashkëshortja e tij, Luciana Duvall, e cila njoftoi se vdiq në shtëpi, i rrethuar nga familja.

Në mesazhin e saj, e përshkroi aktorin si një nga interpretuesit më të mëdhenj të kohës sonë dhe një njeri me pasion të thellë për artin dhe jetën.

Robert Duvall

Duvall ishte një nga figurat më të respektuara të kinemasë amerikane, i njohur për stilin e tij natyral dhe përkushtimin e plotë ndaj çdo roli.

Ai fitoi çmimin Oscar për rolin në filmin “Tender Mercies”, ndërsa mori nominime të shumta për interpretimet e tij në “The Godfather”, “Apocalypse Now” dhe “The Great Santini”.

Në këto role krijoi personazhe të paharrueshme që ndikuan në historinë e kinemasë botërore.

Karrierën në ekranin e madh e nisi me rolin e Boo Radley në “To Kill a Mockingbird”, një interpretim që u vlerësua gjerësisht nga kritika.

Më pas u bë i famshëm në mbarë botën me rolin e Tom Hagen në sagën “The Godfather”, duke fituar reputacionin e një aktori të rrallë që ndërtonte personazhe me thellësi dhe autenticitet.

Gjatë një karriere që zgjati disa dekada, Robert mori shtatë nominime për Oscar dhe fitoi gjithashtu çmime të rëndësishme televizive. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.