Tetë milionë lekë (afro 8 mijë euro) arriti të grabiste B.F një ditë më parë në një bankë të nivelit të dytë në Tiranë.
Në njoftimin e sotëm të policisë së kryeqytetit, sqarohet se B.F ka hyrë në këtë bankë me armë zjarri automatik, dhe pasi ka kërcënuar punonjësit e institucionit financiar, ka grabitur paratë, raporton tch.
Ai u vu në pranga sapo doli nga dera e bankës, pasi patrulla e policisë ishte sinjalizuar nga punonjësit.
Sapo policia i bëri thirrje për t’u dorëzuar, B.F. hodhi armën dhe çantën me para dhe pa asnjë rezistencë iu bind efektivëve.
Dyshohet se i dyshuari me origjinë nga Librazhdi ishte një sipërmarrës në fushën e ndërtimit që operonte në Tiranë, ku dhe jetonte, por vitet e fundit është përballur me probleme të mëdha financiare.
Për skenarin e grabitjes ai ‘nuk u investua shumë’, pasi u fut në ambientet e monitoruara me kamera, i pa maskuar.
Ai dyshohet se është proceduar edhe disa herë të tjera, pasi është akuzuar nga klientë se u ka para të pashlyera.
Duket se borxhet kanë qenë shkak që ai të ndërmerrte këtë akt, i cili e çoi pas hekurave. /tch/