Presidenti i Federatës së Futbollit të Kosovës, Agim Ademi, së bashku me nënkryetarin e parë, Bakir Burri dhe sekretarin e FFK-së, Markus Weidner, morën pjesë në Kongresin e 50-të të UEFA-s, i cili u mbajt në Bruksel.
Gjatë këtij eventi të rëndësishëm përfaqësuesit e federatave anëtare të familjes së futbollit evropian diskutuan çështje kyçe që lidhen me zhvillimin dhe menaxhimin e sportit më të popullarizuar në kontinent.
Në kuadër të punimeve të Kongresit, u miratuan një sërë vendimesh strategjike dhe administrative, duke përfshirë ndryshimet në statutin e UEFA-s, shqyrtimin dhe miratimin e raportit financiar, si dhe buxhetin për vitin 2026.
Gjithashtu, në agjendë ishte konfirmimi i përbërjes së Komiteteve të UEFA-s, të cilat luajnë një rol të rëndësishëm në drejtimin e futbollit evropian. /Telegrafi/