Haxhi Shala është liruar nga Gjykata Speciale e Hagës, pas përfundimit të dënimit që kishte marrë lidhur me akuzat për pengim të drejtësisë.
Lajmi për lirimin e tij është konfirmuar nga djali i tij, Flakron Shala, përmes një postimi në rrjetin social Facebook.
Ai ka ndarë një mesazh të shkurtër emocional, duke shkruar: “Mirë se erdhe në atdhe, babë”.
Haxhi Shala ishte dënuar nga Dhomat e Specializuara të Kosovës për vepra që lidhen me pengimin e administrimit të drejtësisë, ndërsa lirimi i tij vjen pas vuajtjes së dënimit të shqiptuar nga kjo gjykatë. /Telegrafi/
Burimi: telegrafi.com ↗