Pasditen e sotme, një përleshje fizike ka ndodhur në rrugën “Mon Balaj” në Prishtinë, ku pesë persona u rrahën mes vete pas një aksidenti trafiku.
Ngjarja është konfirmuar nga zëdhënësi i Policisë për rajonin e Prishtinës, Enis Pllana, i cili tha se të përfshirët kanë pësuar lëndime trupore dhe kanë marrë tretman mjekësor.
“Lidhur me aksidentin, veprimet dhe procedurat e mëtejme janë duke u zhvilluar nga Njësia e Trafikut,” deklaroi Pllana./Telegrafi/
Burimi: telegrafi.com ↗