KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

Britney Spears i kërkon falje familjes: Më mungoni shumë

Britney Spears i kërkon falje familjes: Më mungoni shumë

Këngëtarja amerikane, Britney Spears, ka publikuar një mesazh emocionues në Instagram, tashmë të fshirë, përmes të cilit u ka kërkuar falje anëtarëve të familjes për rikthimin e disa çështjeve të së kaluarës.

Në postimin e saj, 44-vjeçarja pranoi se mund të ketë qenë kokëfortë dhe se disa nga reagimet e saj mund të kenë qenë të tepruara.

Ajo theksoi se ndiente nevojën të mbronte veten emocionalisht, por shprehu keqardhje për kujtimet që mund t’u ketë rikthyer familjarëve.

“Jam e bekuar që kam një familje kaq të mrekullueshme. Më vjen shumë keq, sepse më mungojnë shumë”, shkroi Spears, pa treguar se cilëve anëtarë të familjes u drejtohej konkretisht.

Marrëdhëniet e këngëtares me familjen, veçanërisht me babanë Jamie Spears dhe motrën Jamie Lynn, kanë qenë prej vitesh të tensionuara.

Konfliktet u bënë edhe më të njohura gjatë periudhës së kujdestarisë ligjore, e cila zgjati nga viti 2008 deri në vitin 2021 dhe nën të cilën babai i saj kishte kontroll mbi pasurinë dhe aspekte të jetës së saj.

Pavarësisht përplasjeve të së kaluarës, mesazhi i fundit i Britneyt duket se shpreh mall, pendesë dhe dëshirën për të lënë pas disa nga konfliktet familjare. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.