KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Publikohen pamjet e arrestimit të “Chapo Isidros”, një nga 10 personat më të kërkuar nga FBI

Publikohen pamjet e arrestimit të “Chapo Isidros”, një nga 10 personat më të kërkuar nga FBI

Forcat speciale të Meksikës kanë arrestuar një nga trafikantët më të kërkuar të drogës, Fausto Isidro Meza Flores, i njohur me nofkën “Chapo Isidro”, gjatë një operacioni të zhvilluar të premten mbrëma në shtetin Sinaloa, në veriperëndim të vendit.

Meza Flores ishte pjesë e listës së dhjetë personave më të kërkuar nga FBI-ja amerikane, nën akuzat për trafikim të drogës drejt Shteteve të Bashkuara të Amerikës dhe mbajtje të paligjshme të armëve të zjarrit.

– YouTube www.youtube.com

Ministria e Mbrojtjes e Meksikës ka publikuar pamje nga operacioni, ku shihen ushtarë të armatosur rëndë duke shoqëruar të arrestuarin përmes një ndërtese, përpara se ta vendosin në një automjet ushtarak.

Sipas autoriteteve meksikane, informacionet e inteligjencës të siguruara nga administrata e presidentit amerikan Donald Trump luajtën rol të rëndësishëm në lokalizimin dhe kapjen e tij.

Arrestimi u pasua nga incidente të dhunshme në rajon, duke detyruar forcat e sigurisë të vazhdojnë praninë e tyre në terren për të mbrojtur popullatën civile dhe për të parandaluar përshkallëzimin e situatës.

Kapja e “Chapo Isidros” përbën një zhvillim të rëndësishëm në përpjekjet e autoriteteve meksikane dhe amerikane kundër trafikimit ndërkombëtar të drogës dhe krimit të organizuar. /Telegrafi/

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.