KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Protesta në Tiranë, thirrje për mobilizim më 28 Nëntor

Protesta në Tiranë, thirrje për mobilizim më 28 Nëntor

Studentë dhe qytetarë dolën sërish sot në protestë para Ministrisë së Arsimit, duke kërkuar largimin e klasës së vjetër politike, dorëheqjen e kryeministrit Edi Rama dhe krijimin e kushteve dinjitoze për të ardhmen e të rinjve në Shqipëri.

Protesta, e nisur rreth orës 14:00, u shoqërua me tensione mes protestuesve dhe forcave të policisë. Pranë Ministrisë së Arsimit u dislokuan forca të shumta policie dhe autobotë me ujë, ndërsa autoritetet nuk lejuan bllokimin e qarkullimit në rrugën e Durrësit.

Situata u tensionua edhe në rrugën “Myslym Shyri”, ku një grup protestuesish u vunë flakën koshave të mbeturinave dhe u përballën me kordonin e policisë.

Protestuesit ritheksuan se nuk do të tërhiqen nga kërkesat e tyre, duke e cilësuar dorëheqjen e kryeministrit si të panegociueshme. Ata kanë refuzuar më herët thirrjet e Ramës për dialog, ndërsa kryeministri ka deklaruar se është i gatshëm të bisedojë me studentët, por jo me ata që përdorin dhunën.

Pas qëndrimit para Ministrisë së Arsimit, protestuesit marshuan në rrugët e kryeqytetit drejt Kryeministrisë. Atje u dëgjuan thirrje për mobilizim masiv më 28 Nëntor, datë kur është paralajmëruar një protestë kombëtare.

Marshimi vijoi drejt sheshit “Skënderbej”, ku protestuesit kënduan himnin kombëtar dhe më pas shpallën përfundimin e tubimit.

Megjithatë, mesazhi i protestuesve mbetet i qartë: protesta do të vijojë dhe 28 Nëntori shihet si dita e mobilizimit të madh qytetar.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.