Kryetari i partisë bullgare “Ka një popull të tillë”, Sllavi Trifonov, komentoi thyerjen e xhamit në derën hyrëse të Ambasadës bullgare në Shkup.
Ai vlerëson se në Maqedoni ka urrejtje ndaj Bullgarisë, e cila, siç thotë ai, ka vazhduar prej vitesh dhe se e ka parë personalisht.
“Nuk e di nëse e dini, por një person në Maqedoninë e Veriut iu afrua derës hyrëse prej xhami të misionit diplomatik bullgar në Shkup, theu xhamin dhe u largua. Kjo u regjistrua nga kamerat e sigurisë. Mund të pyesni: çfarë është kaq e frikshme, është vetëm një copë xhami.
Epo, po, por problemi nuk është xhami i thyer, por qëndrimi. Zakonisht dëshiron të thyesh xhamin e dikujt që nuk e pëlqen, ose thjesht e urren”, shkroi Trifonov në rrjetet sociale.
Ai theksoi se ishte në Shkup disa vite më parë dhe nuk do ta harrojë kurrë sa i tronditur u ndje kur, siç thotë ai, pa një tabelë të madhe përballë Ambasadës bullgare në qendër të Shkupit, e cila dyshohet se shkruante “Vdisni bullgarët”./Telegrafi/