KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kapja e 15 kg marihuanë në Prishtinë: Bastisten disa lokacione, çka u gjet?

Kapja e 15 kg marihuanë në Prishtinë: Bastisten disa lokacione, çka u gjet?

Prokuroria Themelore në Prishtinë ka ndaluar katër persona nën dyshimin për përfshirje në vepra penale që lidhen me narkotikët, armëmbajtjen e paautorizuar dhe dhënien e ndihmës kryesve të veprave penale.

Aksioni është realizuar nga Departamenti i Krimeve të Rënda, pas zbatimit të masave të veçanta hetimore, me ç’rast janë kryer bastisje në disa lokacione, raporton IndeksOnline.

Gjatë kontrolleve, autoritetet kanë sekuestruar 15 kilogramë e 443 gramë marihuanë, 1.7 gramë kokainë, si dhe katër qese me substancë të dyshuar narkotike të llojit hashash.

Përveç substancave narkotike, në cilësinë e provave materiale janë sekuestruar edhe dy vetura, dy armë zjarri, 62 fishekë të kalibrave të ndryshëm, katër telefona mobilë dhe para të gatshme në vlerë prej mbi 9 mijë eurosh.

Sipas njoftimit të Prokurorisë, personat e ndaluar dyshohen për vepra penale që ndërlidhen me blerjen, posedimin, shpërndarjen dhe shitjen e paautorizuar të narkotikëve, posedimin e paautorizuar të armëve, si dhe dhënien e ndihmës kryesve pas kryerjes së veprës penale.

Ndërkohë, prokurori i shtetit ka paraqitur kërkesë në gjykatë për caktimin e masës së paraburgimit ndaj të pandehurve, me qëllim të sigurimit të pranisë së tyre gjatë procedurës penale.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.