KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Bota

Von der Leyen: BE-ja do të vazhdojë të ushtrojë presion ndaj Rusisë derisa të ulet në tryezën e negociatave

Von der Leyen: BE-ja do të vazhdojë të ushtrojë presion ndaj Rusisë derisa të ulet në tryezën e negociatave

Presidentja e Komisionit Evropian, Ursula von der Leyen, ka deklaruar se Bashkimi Evropian (BE) do të vazhdojë të shtojë presionin ndaj Rusisë derisa Moska të pranojë të ulet në tryezën e negociatave

“Mesazhi im në takimin e sotëm të Koalicionit të të Gatshmëve ishte i qartë. Paqja varet nga vendosja e Ukrainës në një pozitë të fuqishme”, shkroi von der Leyen në rrjetin social amerikan X.

Ajo tha se kredia e re prej 45 miliardë eurosh e BE-së do ta mbështesë këtë synim dhe se blloku evropian do të vazhdojë të shtojë presionin ndaj Rusisë.

“Paketa jonë e 22-të e sanksioneve është në përgatitje”, tha ajo.

Edhe presidenti i Këshillit Evropian, Antonio Costa, rikonfirmoi mbështetjen e BE-së për Ukrainën, duke theksuar se çdo marrëveshje paqeje duhet të respektojë sovranitetin e vendit.

“Vetëm një paqe që respekton sovranitetin e Ukrainës mund të jetë e drejtë dhe e qëndrueshme. Mbështetja që mund të ofrojë Koalicioni i të Gatshmëve, përfshirë garancitë e ardhshme të sigurisë, është thelbësore”, shkroi Costa në X.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.