KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ndalet rryma në Kuvend, Sadiku: Edhe sistemi e dorëzoi mandatin!

Ndalet rryma në Kuvend, Sadiku: Edhe sistemi e dorëzoi mandatin!

Deputeti i Lidhjes Demokratike të Kosovës (LDK), Ermal Sadiku, ka reaguar me ironi pas ndërprerjes së energjisë elektrike në Kuvendin e Kosovës, gjatë seancës ku po diskutohet për buxhetin e vitit 2027.

Sadiku ka bërë të ditur se për shkak të ndërprerjes së rrymës dhe problemeve me sistemin, deputetët kanë shkuar në pauzë prej dhjetë minutash.

Përmes një reagimi, ai e ka ndërlidhur ndërprerjen e energjisë me atë që e ka cilësuar si mashtrim lidhur me buxhetin e vitit të ardhshëm.

“Nuk mujti me e duru as sistemi gjithë këtë mashtrim që po ndodh sot me buxhetin e vitit 2027. Edhe sistemi e dorëzoi mandatin!”, ka shkruar Sadiku.

Deputeti i LDK-së e ka shoqëruar reagimin me ironi, duke e paraqitur ndërprerjen e sistemit si një dorëzim simbolik përballë zhvillimeve në Kuvend.

Ditëve të fundit ka pasur ndërprerje të energjisë elektrike në gjithë Kosovën, pa lënë anash kryeqytetin.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.