Moderatorja e njohur shqiptare, Bora Zemani, ka rikthyer vëmendjen e publikut me një postim në rrjetet sociale, i cili lidhet me 25-vjetorin e Top Channel.
Në Instastory, ajo ka publikuar një fotografi me mbishkrimin “25 vite Top Channel”, duke uruar kështu televizionin shqiptar për këtë përvjetor të rëndësishëm.
Postimi i saj vjen në kohën kur po qarkullojnë zëra për një rikthim të mundshëm të moderatores në këtë televizion. Sipas burimeve, Bora pritet t’i rikthehet Top Channel-it gjatë muajit janar.
Ajo thuhet se do të jetë pjesë e emisionit humanitar “Për Shqiptarët”, ku pritet të bashkëpunojë sërish me Elvis Naçin, format në të cilin ka qenë e angazhuar edhe më herët.
Kujtojmë se largimi i saj nga Top Channel ishte raportuar vetëm pak muaj më parë. Ndërkohë, emri i moderatores ishte përmendur së fundmi edhe në kontekstin e drejtimit të reality show-t “Ferma VIP”.
Por Bora nuk do të ishte e vetmja që do të rikthehej në këtë televizion në janar. Edhe Luana Vjollca pritet të rikthehet në Top Channel pas pesë vitesh mungesë.
Kështu, fillimi i vitit të ardhshëm pritet të sjellë rikthimin e dy emrave të njohur të ekranit shqiptar.

