KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kuvendi nesër vazhdon seancën, tri çështje në rend dite

Kuvendi nesër vazhdon seancën, tri çështje në rend dite

Kuvendi i Kosovës do të vazhdojë nesër, të enjten, seancën plenare, me fillim nga ora 10:00.

Sipas njoftimit të Kuvendit, në vazhdim të seancës janë paraparë tri pika të rendit të ditës.

Deputetët fillimisht do të votojnë Propozim-Rezolutën nga interpelanca me ministrin e Shëndetësisë, Arben Vitia, lidhur me vdekjen e pacientes me kancer të gjirit, e cila kishte mbetur katër muaj pa terapi, si dhe mungesën e barnave onkologjike.

Po ashtu, do të votohet Propozim-Rezoluta nga mocioni përmbajtjesor lidhur me gjendjen në planifikimin, çmimin dhe furnizimin me energji elektrike në Kosovë.

Një tjetër pikë e rendit të ditës është rishqyrtimi i Ligjit për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i cili është rikthyer nga Presidentja e Republikës së Kosovës.

Vazhdimi i seancës plenare do të mbahet në sallën e seancave të Kuvendit të Kosovës. /Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.