KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

“Mbylle gojën, eja luaj në vendin tim”, ylli i Man Utd i kthehet ashpër një tifozit pas kritikave të tij

“Mbylle gojën, eja luaj në vendin tim”, ylli i Man Utd i kthehet ashpër një tifozit pas kritikave të tij

Amad Diallo ka reaguar ashpër ndaj një tifozi të Manchester Unitedit në Instagram, pasi ky i fundit e kritikoi për një rast të humbur që konsiderohej si “gol i sigurt” në ndeshjen kualifikuese të Kupës së Kombeve të Afrikës.

Në paraqitjen e tij të fundit para rikthimit në Old Trafford, ku do të punojë nën drejtimin e trajnerit të ri Mauricio Pochettino, Amad luajti për 65 minuta në barazimin 2-2 të Bregut të Fildishtë ndaj Gambisë të martën.

24-vjeçari pati një paraqitje me dy fytyra. Fillimisht u vlerësua për harkimin e shkëlqyer në minutën e 12-të, kur Luc Zogbe shënoi me kokë, por në pjesën e dytë u kritikua për një rast të pastër që nuk arriti ta konkretizonte.

Në minutën e 60-të, Yan Diomande dërgoi një krosim të shkëlqyer drejt Amadit, i cili kishte mundësinë ta dërgonte topin në rrjetë nga afër. Megjithatë, goditja e tij me të djathtën përfundoi në traversë.

Bregu i Fildishtë arriti të shpëtonte një pikë vetëm në minutën e 98-të, kur Christ Inao Oulai shënoi për rezultatin përfundimtar 2-2.

Rasti i humbur nga Amad ka rikthyer në vëmendje edhe mungesën e golave të tij me fanellën e Manchester Unitedit. Sipas statistikave të raportimit, ai nuk ka shënuar për “Djajtë e Kuq” prej 336 ditësh, që nga barazimi 4-4 ndaj Bournemouthit më 15 dhjetor 2025.

Një tifoz i Unitedit, i cili ka mbi 20 mijë ndjekës në Instagram, publikoi një video ku vuri në pah kontrastin mes asistimit të shkëlqyer të Amadit dhe rastit të humbur. Postimi grumbulloi afro 2 mijë pëlqime dhe mbi 50 mijë shikime.

Por, reagimi që mori më shumë vëmendje ishte ai i vetë futbollistit. Amad iu përgjigj drejtpërdrejt tifozit me tone të ashpra, duke i thënë ta mbyllë gojën.

“Thjesht mbylle gojën, vëlla, po flet shumë tani. Eja luaj në vendin tim nëse të pengon kaq shumë”, ka shkruar Diallo./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.