KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Gërvalla: Për dhunën nuk ka justifikim, mos heshtni përballë saj

Gërvalla: Për dhunën nuk ka justifikim, mos heshtni përballë saj

Zëvendëskryeministrja dhe ministrja e Drejtësisë, Donika Gërvalla, ka vizituar Zyrën për Mbrojtje dhe Ndihmë Viktimave (ZMNV), e cila funksionon në kuadër të Zyrës së Kryeprokurorit të Shtetit, ku është takuar me koordinatorin e saj, Burhan Maxhuni.

Gjatë takimit, sipas Gërvallës, është diskutuar për punën, përgjegjësitë dhe funksionimin e kësaj zyre.

Ajo ka thënë se zyra ka rol thelbësor në garantimin e të drejtave të viktimave të krimit, duke siguruar përmes Mbrojtësve të Viktimave përfaqësim dhe mbështetje gjatë procedurave në prokurori dhe gjykata, informim për të drejtat ligjore dhe orientim drejt shërbimeve të nevojshme për mbrojtje dhe ndihmë.

Gërvalla ka theksuar se mbrojtja e të drejtave të viktimave është detyrim i patjetërsueshëm i shtetit.

Ajo ka bërë thirrje që dhuna të raportohet dhe ka rikujtuar se viktimat dhe qytetarët mund të kërkojnë ndihmë përmes Linjës Ndihmëse 0800 11112, e cila është shërbim publik, pa pagesë dhe konfidencial.

"Prandaj mos hesht përballë dhunës. Kërko ndihmë. Raporto dhunën", ka shkruar Gërvalla.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.