KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

KRU “Gjakova” drejt përfundimit të ndërrimit të rrjetit të kanalizimit në Hereç

KRU “Gjakova” drejt përfundimit të ndërrimit të rrjetit të kanalizimit në Hereç

KRU “Gjakova” ka njoftuar se është drejt përfundimit projekti për ndërrimin e rrjetit të kanalizimit në fshatin Hereç të komunës së Gjakovës.

Sipas njoftimit të kompanisë, në kuadër të këtij projekti janë duke u ndërruar gjithsej 1.100 metra rrjet kanalizimi, ndërsa deri në përfundimin e plotë të punimeve kanë mbetur edhe rreth 100 metra.

Projekti, i cili po financohet tërësisht nga KRU “Gjakova”, po realizohet me ritëm të shpejtë dhe, sipas parashikimeve, pritet të përfundojë brenda një jave.

Për vite me radhë, banorët e fshatit Hereç janë përballur me probleme serioze si pasojë e përhapjes së ujërave të ndotura dhe fekaleve në hapësira publike dhe toka bujqësore.

Me realizimin e këtij projekti, synohet zgjidhja e një problemi shumëvjeçar, përmirësimi i kushteve higjieno-sanitare dhe krijimi i një mjedisi më të sigurt për banorët e këtij fshati.

Banorët kanë shprehur kënaqësinë e tyre për zgjidhjen që po merr ky problem, ndërsa përfundimi i punimeve pritet të shënojë një hap të rëndësishëm në përmirësimin e infrastrukturës së kanalizimit në këtë zonë. /Telegrafi/


Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.