KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Mourinho nuk e preferon, Real Madridi hap dyert për largimin e yllit të skuadrës

Mourinho nuk e preferon, Real Madridi hap dyert për largimin e yllit të skuadrës

Real Madridi ka hapur dyert për largimin e Trent Alexander-Arnoldit, pasi është i gatshëm të dëgjojë ofertat që mund të vijnë për mbrojtësin e djathtë anglez.

Sipas raportimeve të Sky Sport Germany, drejtuesit e klubit madrilen nuk e përjashtojnë mundësinë e shitjes së 28-vjeçarit, i cili nuk ka arritur të përmbushë pritshmëritë që nga transferimi i tij si lojtar i lirë nga Liverpooli në vitin 2025.

Alexander-Arnold ka pasur vështirësi për të siguruar një vend të rregullt në formacionin titullar të Real Madridit, ndërsa situata e tij është komplikuar edhe më shumë pas ardhjes së Jose Mourinhos në krye të skuadrës.

Anglezi ka regjistruar vetëm pesë paraqitje si titullar në tetë ndeshjet e këtij sezoni.

Mourinho ka preferuar ta aktivizojë Federico Valverden në pozitën e mbrojtësit të djathtë, ndërsa konkurrencë shtesë për këtë pozitë përbën edhe Denzel Dumfries.

Për shërbimet e Alexander-Arnoldit është përfolur interesimi i Bayern Munichut, por gjiganti gjerman nuk është duke ndjekur në mënyrë aktive transferimin e tij.

Ndërkohë, interesim për anglezin kanë shfaqur edhe Chelsea dhe Liverpooli, klubi ku ai kaloi pjesën më të madhe të karrierës dhe u shndërrua në njërin prej mbrojtësve më të mirë në botë.

Megjithatë, Mourinho së fundmi kishte mohuar spekulimet për largimin e tij gjatë afatit kalimtar të janarit./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.