KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Gjermania e turpëron Holandën, Gruda protagonist

Gjermania e turpëron Holandën, Gruda protagonist

Përfaqësuesja e Gjermanisë ka shënuar një fitore të jashtëzakonshme ndaj Holandës, duke e mposhtur me rezultat të thellë 5:0 në ndeshjen e Ligës së Kombeve.

Në një përballje mes dy rivalëve të vjetër, të cilët u takuan për herë të pesëdhjetë në histori, gjermanët e kanë zhvilluar një pjesë të dytë fantastike dhe e kanë siguruar kalimin në fazën e barazhit për çerekfinale të Ligës A.

Protagonisti kryesor i kësaj fitore ka qenë Brajan Gruda, i cili ka realizuar një gol dhe ka dhuruar dy asistime.

Gjermania ka kaluar në epërsi në pjesën e parë, kur Derry Scherhant ka shënuar pas asistimit të Joshua Kimmich. Futbollisti i Freiburg ka depërtuar në zonën e rreptësisë dhe me një goditje të saktë e ka dërguar topin në këndin e largët të portës.

Në pjesën e dytë, gjermanët e kanë vazhduar dominimin. Florian Wirtz ka realizuar për 2:0 me një goditje të fuortë nga jashtë zonës, ndërsa Nico Schlotterbeck ka shënuar golin e tretë me kokë, pas asistimit nga goditja e lirë e Grudës.

Më pas, Gruda ka asistuar sërish për Wirtz, i cili ka realizuar golin e dytë personal dhe të katërtin për Gjermaninë.

Rezultatin përfundimtar 5:0 e ka vendosur vetë Gruda, duke e dërguar në rrjetë topin e kthyer pas goditjes së Scherhant, e cila ishte ndalur nga shtylla.

Kjo është fitorja më e thellë e Gjermanisë ndaj Holandës në historinë e përballjeve mes tyre. Po ashtu, Holanda nuk kishte pësuar humbje kaq të rëndë ndaj asnjë kundërshtari që nga viti 1959.

Ky rezultat e ndryshoi edhe renditjen përfundimtare të grupit. Gjermania, e cila e nisi mbrëmjen në vendin e tretë, përfundoi në krye të grupit dhe siguroi kalimin në fazën tjetër.

Edhe Holanda vazhdon garën, falë bilancit më të mirë në përballjet e drejtpërdrejta me Greqinë. Kjo e fundit, pavarësisht fitores 1-0 kundër Serbisë dhe grumbullimit të njëmbëdhjetë pikëve, është bërë përfaqësuesja e parë në historinë e Ligës së Kombeve që arrin këtë kuotë dhe nuk përfundon në dy pozitat e para të grupit.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.