KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Camp Nou merr dritën jeshile, Barcelona dhe Limak pajtohen për fazën finale të stadiumit

Camp Nou merr dritën jeshile, Barcelona dhe Limak pajtohen për fazën finale të stadiumit

Barcelona dhe kompania turke Limak kanë arritur marrëveshje për vazhdimin e punimeve në Spotify Camp Nou, duke larguar mundësinë e ndryshimit të kompanisë ndërtuese.

Ky zhvillim vjen pasi klubi katalonjas siguroi edhe 300 milionë euro financim shtesë për ta çuar deri në fund projektin e stadiumit të ri.

Pika më e rëndësishme e marrëveshjes është vendosja e çatisë, një operacion teknikisht shumë i ndërlikuar që do të realizohet përmes strukturës gjigante prej rreth 3.000 tonësh, e njohur si “Big Lift”.

Limak do të vazhdojë të jetë përgjegjëse për këtë fazë, duke pasur mundësinë të angazhojë edhe kompani të tjera si nënkontraktorë.

Financimi i ri prej 300 milionë eurosh është siguruar përmes emetimit të obligacioneve, me Goldman Sachs që ka ndërmjetësuar operacionin.

Barcelona synon që stadiumi të ketë kapacitet për rreth 105 mijë spektatorë, duke u shndërruar në një prej impianteve më moderne dhe më të mëdha në Evropë.

Plani është që punimet për çatinë të nisin pas sezonit 2026/27, ndërsa rikthimi i Barcelonës në Camp Nou pritet në fillim të vitit 2028.

Përfundimi i plotë i stadiumit është parashikuar për gjysmën e parë të vitit 2028, në një projekt që pritet t'i rrisë ndjeshëm të ardhurat e klubit në vitet e ardhshme. /Zëri

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.