KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

Russell Brand në panik në burg, frikësohet se do t’i bien flokët pa preparatet e tij të preferuara

Russell Brand në panik në burg, frikësohet se do t’i bien flokët pa preparatet e tij të preferuara

Komediani dhe aktori britanik Russell Brand, 51 vjeç, i cili po vuan dënimin me burg për përdhunim dhe sulm seksual, thuhet se reagoi dhunshëm pasi rojet e burgut i morën shampon special dhe pilulat kundër rënies së flokëve.

Sipas tabloidit britanik The Sun, Brand kërkoi që t’i lejohej të përdorte produktet që i kanë ruajtur flokët e gjatë karakteristikë për vite me radhë, por kërkesa e tij u refuzua, transmeton Indeksonline.

Raportohet se Brand kërkoi kthimin e shampos me kafeinë dhe pilulave me recetë që përdoren për të trajtuar rënien e flokëve tek meshkujt. Të dy produktet iu morën atij pas mbërritjes së tij në Burgun Wandsworth të Londrës sepse nuk u vlerësuan si terapi e nevojshme.

“Ai ishte shumë i pakënaqur sepse kishte frikë se do t’i binin flokët. Ai merr tableta Propecia, por ia morën në burg”, tha një burim për The Sun. “Atij nuk i lejohet t’i përdorë ato sepse nuk konsiderohen thelbësore, por më tepër një produkt kozmetik. Ai kërkoi shampon dhe tabletat e tij speciale Alpecin”, shtoi ai.

Flokët e gjatë dhe të çrregullt kanë qenë shenja dalluese e Brandit për vite me radhë. Ai e ka kultivuar këtë pamje që nga fillimi i viteve 2000, kur u bë i famshëm si prezantues në MTV dhe në shfaqjen “Big Brother’s Big Mouth”.

Sipas rregullave të burgut, çdo i burgosur i nënshtrohet një kontrolli mjekësor me të mbërritur, gjatë të cilit kontrollohet edhe medikamenti që po merr. Terapia duhet të miratohet dhe të përshkruhet nga shërbimi shëndetësor i burgut, dhe të burgosurve nuk u lejohet të sjellin vetë medikamente të jashtme.

Si përkujtesë, Russell Brand u shpall fajtor më 5 nëntor për përdhunimin e një gruaje dhe sulmin seksual ndaj tre të tjerave. Krimet u kryen midis viteve 2004 dhe 2009./Indeksonline/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.