Numri i të vdekurve nga zjarri masiv që shpërtheu në tetor në një bazë ushtarake në provincën kanadeze të Albertës është rritur në pesë, pasi një ushtar tjetër ndërroi jetë nga plagët e marra pas katër javësh në spital.
Siç njoftuan Forcat e Armatosura Kanadeze, ushtari Dal Bianco ndërroi jetë më 13 nëntor, për shkak të lëndimeve që pësoi gjatë zjarrit.
Me vdekjen e tij, numri tragjik i të vdekurve tani është pesë, ndërsa 24 ushtarë janë ende të shtruar në spital.
Zjarri shpërtheu më 17 tetor në një poligon qitjeje në Bazën Ushtarake Wainwright në provincën perëndimore të Albertës gjatë një stërvitjeje.
Erërat e forta që frynin në zonë ndihmuan në përhapjen e shpejtë të zjarrit, i cili mori përmasa të mëdha dhe u shtri përtej kufijve të instalimit ushtarak.
Katër javë pas incidentit, pasojat e zjarrit mbeten veçanërisht serioze, pasi dhjetëra ushtarë ende po përballen me plagët që pësuan. /Telegrafi/