Johnny Depp për rolin e tij në filmin “Ebenezer” merr një tarifë prej pesë milionë dollarësh, dukshëm më pak se sa fitonte në Hollywood.
Sipas një burimi pranë produksionit, ai u pajtua me këtë sepse beson në projekt dhe dëshiron të ketë pronësinë e filmit.
“Ai pranoi marrëveshjen krijuese sepse i intereson projekti dhe donte të siguronte një pjesë të konsiderueshme të fitimeve. Nuk ka të bëjë me një bonus të mundshëm, por me pronësinë aktuale të filmit”, tha burimi.
“Ebenezer” është një version më i errët dhe gotik i “Një histori Krishtlindjesh” të Dickensit, i drejtuar nga Ti West, autorja e filmave horror “X”, “Pearl” dhe “MaXXXine”.
– YouTube youtu.be
Depp dikur ishte ndër aktorët më të paguar në Hollywood, por revista Forbes e emëroi atë aktorin më të paguar në vitet 2015 dhe 2016 për shkak të hendekut midis honorareve të tij dhe fitimeve të filmave të tij. Sipas analizës së Forbes, filmi “Alice Through the Looking Glass” i vitit 2016 fitoi vetëm 2.80 dollarë për çdo dollar që paguhej Depp.
Në vitin 2011, aktori pranoi për Vanity Fair se pranon tarifat e majme për rolin e Kapiten Jack Sparrow për shkak të fëmijëve, vajzës Lily-Rose (27) dhe djalit Jack (24), që i ka me ish-partneren e tij Vanessa Paradis.
“Nëse janë të gatshëm të më paguajnë atë shumë marramendëse parash, sigurisht që do ta pranoj. Duhet ta bëj. E shihni, nuk është për mua. Po e bëj për fëmijët e mi tani,” tha ai në atë kohë. /Telegrafi/