Kombëtarja e Egjiptit e ka siguruar biletën e fundit për në gjysmëfinale pas fitores ndaj Bregut të Fildishtë.
Egjipti triumfoi me rezultat 3-2, sfidë që rezultoi të jetë shumë e baraspeshuar nga fillimi.
Marmoush pas vetëm katër minutave lojë e zhbllokoi epërsinë pas asistimit të Ashour (4’).
Ndërsa, ishte Rabia që dyfishoi epërsinë pas asistimit të Mo Salah (32’).
Bregu i Fildishtë arriti të kthehet pastaj në lojë pas autogolit të Fatouh (40’).
Megjithatë, Egjipti e siguroi fitoren pas golit të bukur të Mo Salah, i cili u asistua prej Ashour (52’).
E tëra që bëri Bregu i Fildishtë ishte goli i dytë dhe njëkohësisht i fundit përmes Doue (73’).
Egjipti në gjysmëfinale do të përballet me Senegalin./Telegrafi