Gjykata Themelore në Prizren ka njoftuar lidhur me seancën gjyqësore që është zhvilluar ndaj 39 të pandehurve në rastin ku dyshohet për keqpërdorime në Byronë Kosovare të Sigurimit.
Në njoftim thuhet se gjatë zhvillimit të seancës, disa nga palët në procedurë kanë kërkuar edhe ndihmë mjekësore, për çka Gjyqtari i procedurës paraprake ka ndërprerë disa herë seancën dhe palëve iu është ofruar ndihma e nevojshme përmes Emergjencës.
“Kur palët kanë qenë të gatshme ka vazhduar me seancën për caktimin e masës së sigurisë”, thuhet në njoftim.
Gjykata tutje njofton se seanca kishte filluar në ora 16:00 ndaj 39 të pandehurve, ndërkaq ka përfunduar në ora 23:00. /Telegrafi/