Një zyrtare policore është ofenduar gjatë kryerjes së detyrës në fshatin Tvrdjan të Leposaviqit.
Rasti ka ndodhur më 11 nëntor, rreth orës 10:10, ndërsa është raportuar nga vetë zyrtarja policore.
Sipas raportit 24-orësh të Policisë së Kosovës, e dyshuara e kishte ofenduar zyrtaren me fjalë të ndryshme derisa ajo ishte në detyrë.
“Gjatë detyrës e dyshuara e kishte ofenduar me fjalë të ndryshme”, thuhet në raport.
E dyshuara është shoqëruar në stacionin policor dhe, pas intervistimit, me vendim të prokurorit rasti është proceduar në procedurë të rregullt. /Lajmi.net/
Burimi: lajmi.net ↗

