Kryetari i Asociacionit të Komunave të Kosovës, Sazan Ibrahimi, ka kritikuar mungesën e bashkëpunimit ndërmjet nivelit qendror dhe atij lokal gjatë Qeverisë Kurti, duke e krahasuar këtë situatë me raportet që komunat kishin me qeveritë e mëparshme.
Ibrahimi ka përmendur qeveritë e udhëhequra nga Bajram Rexhepi, Ramush Haradinaj, Hashim Thaçi, Isa Mustafa dhe Avdullah Hoti, duke thënë se gjatë këtyre mandateve kishte komunikim dhe dialog të vazhdueshëm me komunat.
“Ka dallim të jashtëzakonshëm në raport me qeverisjet e kaluara. Kur e ka udhëhequr qeverinë i ndjeri Bajram Rexhepi, pastaj Ramush Haradinaj, me të cilin kemi bashkëpunuar, ka ardhur Hashim Thaçi – a e dini çfarë bashkëpunimi kemi pasur? Pastaj Isa Mustafa, Avdullah Hoti, në tërë kohën kemi qenë në komunikim. I gjithë dialogu dhe komunikimi shkon në favor të qytetarëve”, ka deklaruar Ibrahimi në rtv21.