Marrëdhëniet mes Zinedine Zidane dhe Kylian Mbappe nuk janë në nivelin më të mirë që nga momenti kur trajneri francez mori drejtimin e kombëtares së Francës.
Sipas raportimeve të gazetës franceze L’Equipe, mes dy figurave kryesore të përfaqësueses franceze ka pasur njëfarë tensioni, ndërsa raporti i tyre nuk është aq harmonik sa ai që Mbappe kishte me ish-trajnerin Didier Deschamps.
Një nga arsyet e pakënaqësisë lidhet me vendimin taktik të Zidane për ta aktivizuar Mbappen në krahun e majtë, duke vendosur Ousmane Dembele në qendër të sulmit. Ky ndryshim pozicioni thuhet se nuk i ka pëlqyer yllit të Real Madridit.
Megjithatë, Zidane dëshiron ta përmirësojë situatën gjatë grumbullimit të ardhshëm dhe të rikthejë harmoninë me kapitenin e Francës.
Madje, trajneri ka bërë të ditur se Mbappe do të luajë në pozicionin e tij të preferuar, në qendër të sulmit, në ndeshjet e ardhshme të Ligës së Kombeve.
/GazetaBlic Sport/