Real Madridi ka marrë lajmin e parë shqetësues nga grumbullimi i kombëtareve. Aurélien Tchouaméni është larguar nga stërvitja e Francës për shkak të disa shqetësimeve në ijën e djathtë.
Mesfushori ka ndërprerë seancën si masë paraprake, ndërsa pritet t’i nënshtrohet ekzaminimeve mjekësore për të kuptuar shkallën e problemit. Sipas planit, ai do të rikthehet të mërkurën në Madrid.
Mungesa e mundshme e francezit do të ishte një goditje për trajnerin Jose Mourinho, i cili pas fitores ndaj Valencias kishte paralajmëruar se disa futbollistë të tij po përballeshin me lodhje të madhe fizike.
“Duhet të pushojnë, sepse shumë prej tyre kanë lodhje ekstreme”, kishte deklaruar Mourinho. /Zëri
Burimi: zeri.info ↗