KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Shëndet

FDA urdhëron paralajmërime të reja për rrezikun e syve, nga Ozempic dhe Mounjaro

FDA urdhëron paralajmërime të reja për rrezikun e syve, nga Ozempic dhe Mounjaro

Administrata Amerikane e Ushqimit dhe Barnave (FDA) informoi të hënën pacientët dhe ofruesit e kujdesit shëndetësor për një rrezik të mundshëm në rritje të një gjendjeje serioze të syve që lidhet me përdorimin e barnave GLP-1 për humbje peshe dhe diabet.

FDA tha se po kërkon që ilaçet GLP-1, të tilla si Mounjaro dhe Zepbound të Eli Lilly, Ozempic dhe Wegovy të Novo Nordisk, të shtojnë informacion në seksionin “paralajmërime dhe masa paraprake” të etiketimit në lidhje me rrezikun e mundshëm në rritje të neuropatisë optike ishemike anteriore jo-arteritike (NAION), shkruan CNN.

“Komunikimi i FDA-së për sigurinë e barnave vlen për të gjitha ilaçet me aktivitet GLP-1 RA dhe nuk i referohet ndonjë gjetjeje specifike për ilaçet Lilly. Ne po e vlerësojmë me kujdes përditësimin dhe do t’i përgjigjemi FDA-së menjëherë”, tha një zëdhënës i Lilly.

Gjendja është një shkak i zakonshëm i humbjes së papritur dhe pa dhimbje të shikimit dhe mund të çojë në dëmtim të përhershëm të shikimit në disa raste.

Shkaktohet nga ulja e rrjedhjes së gjakut në pjesën e përparme të nervit optik, por shkaku themelor nuk është kuptuar plotësisht.

Një studim i gjerë i publikuar në vitin 2025 gjurmoi gati 175,000 pacientë me diabet të trajtuar me semaglutide dhe një numër të barabartë që merrnin ilaçe jo-GLP-1.

Ai zbuloi se rreziku i NAION u dyfishua pas dy vitesh trajtimi me një ilaç GLP-1, krahasuar me ilaçet për diabetin nga klasat e tjera.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.