Nicolo Zaniolo është larguar nga grumbullimi i Italisë në Coverciano për arsye personale dhe do të mungojë në dy ndeshjet e fundit të kombëtares në Ligën e Kombeve.
Sipas TuttoMercatoWeb, sulmuesi është larguar nga baza stërvitore e ekipit, çka do të thotë se ai nuk do të jetë i disponueshëm për ndeshjet e ardhshme kundër Francës dhe Belgjikës.
Ky është një tjetër pengesë zhgënjyese për Zaniolon, i cili është detyruar sërish të tërhiqet nga skuadra e Italisë.
Zaniolo u largua nga grumbullimi i kombëtares edhe në shtatorin e kaluar, pas ndeshjes së parë kundër Belgjikës, duke humbur takimet e mëpasshme ndaj Turqisë dhe Francës.
/GazetaBlic Sport
Burimi: gazetablic.com ↗