KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Albion Rrahmani po kalon periudhë të vështirë në Itali, reagon edhe shtypi rumun

Albion Rrahmani po kalon periudhë të vështirë në Itali, reagon edhe shtypi rumun

Sulmuesi i Kosovës, Albion Rrahmani, po përballet me vështirësi te Venezia, ku ende nuk ka arritur të gjejë hapësirën e dëshiruar në Serie A.

Rrahmani ka regjistruar tetë paraqitje në kampionatin italian, por ende nuk ka shënuar gol apo asistuar. Në dy nga tri ndeshjet e fundit ka mbetur në stol, ndërsa ndaj Comos është aktivizuar për vetëm 12 minuta.

Situata e tij ka tërhequr vëmendjen edhe të mediave rumune. Mediumi “Sport” shkruan se, dy vjet pas largimit nga Rapidi i Bukureshtit, sulmuesi kosovar është pothuajse i panjohur te skuadra e tij e re.

Rrahmani kishte shkëlqyer fillimisht te Ballkani e më pas te Rapidi, përpara se të transferohej te Sparta Praga. Pas 11 golave të realizuar sezonin e kaluar në kampionatin çek, ai siguroi kalimin në futbollin italian.

Megjithatë, aventura në Serie A nuk ka nisur sipas pritshmërive për sulmuesin kosovar, ndërsa edhe Venezia po kalon një periudhë të vështirë, duke u renditur në pozitën e parafundit me vetëm gjashtë pikë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.