Kryeministri hungarez Péter Magyar njoftoi të hënën në Facebook se, sipas raportimeve të medias, Áron Orbán , vëllai i vogël i ish-kryeministrit hungarez Viktor Orbán , është ndaluar me dyshimin për kontrabandë qeniesh njerëzore .
- Sipas raportimeve të medias, vëllai i Viktor Orbán, Áron Orbán, është ndaluar nën dyshimin për kontrabandë qeniesh njerëzore. Hetimi po kryhet nga Zyra Kombëtare për Rimëkëmbjen dhe Mbrojtjen e Aseteve (NVVH) dhe Byroja Kombëtare e Hetimit (NNI) – shkroi Magyar në Facebook.
Policia hungareze konfirmoi se të hënën në mëngjes, hetuesit kryen një operacion të madh në Budapest dhe në dy lokacione në Qarkun Pest. Si pjesë e dy procedurave penale, disa persona u ndaluan dhe u kryen kontrolle në disa lokacione.
Sipas portalit hungarez Kontroll, hetimi lidhet me një rast të mëparshëm të lëshimit të vizave për shtetas të huaj, në të cilin përmendej emri i Áron Orbán. Më parë, u shfaqën informacione se një kompani e lidhur me të kishte ndihmuar qytetarët vietnamezë të merrnin viza Shengen, përfshirë regjistrimin e tyre në kurse të shkurtra në Universitetin e Pécs.
Viktor Orbán reagoi gjithashtu ndaj pretendimeve për ndalimin e vëllait të tij, i cili akuzoi qeverinë aktuale për një përballje politike në Facebook.
“Unë jam shënjestra, vëllai im është vetëm një mjet”, tha Orbán, duke pretenduar se qeveria po përpiqet të eliminojë kundërshtarët politikë dhe të largojë vëmendjen nga çështje të tjera./Indeksonline/