Ky vit është në rrugën e duhur për t’u bërë një nga katër vitet më të ngrohta të regjistruara ndonjëherë, me temperatura të rritura nga një El Nino i fortë dhe ngrohja e vazhdueshme globale, tregoi një raport i Kombeve të Bashkuara të hënën.
Bota mund të përjetojë vitin më të nxehtë të regjistruar ndonjëherë, ndërsa temperaturat globale vazhdojnë të rriten si pasojë e ndryshimeve klimatike dhe fenomenit El Niño.
Sipas shkencëtarëve të organizatës kërkimore Berkeley Earth, ekziston një mundësi prej 95% që viti 2026 të thyejë rekordin e mëparshëm të vitit 2024.
Shqetësimi është rritur pas një serie ngjarjesh ekstreme klimatike, përfshirë valët e të nxehtit, zjarret masive në Evropë, thatësirat dhe katastrofat që lidhen me shkrirjen e akullnajave.
Ndërkohë, Organizata Botërore Meteorologjike paralajmëron se temperaturat e larta mund të vazhdojnë edhe gjatë vitit 2027, për shkak të një fenomeni të fuqishëm El Niño.
Shkencëtarët theksojnë se shkaktari kryesor i ngrohjes globale mbetet rritja e përqendrimit të dioksidit të karbonit në atmosferë, si rezultat i përdorimit të lëndëve djegëse fosile.
Paralajmërimet vijnë në kohën kur liderët botërorë dhe negociatorët për klimën po zhvillojnë takimet e COP31 në Antalia të Turqisë, ku në fokus janë reduktimi i emetimeve dhe përshtatja e shteteve ndaj kushteve gjithnjë e më ekstreme klimatike.
Ekspertët paralajmërojnë se ndryshimet klimatike nuk janë më vetëm një kërcënim për të ardhmen, por një realitet që po ndikon drejtpërdrejt në jetën, ekonominë dhe sigurinë e njerëzve në mbarë botën.