Gjendet i shtrirë një person në Prishtinë, vdes pas dërgimit në QKUK

Një person ka humbur jetën të dielën mbrëma në Prishtinë, pasi ishte gjetur i shtrirë.

Sipas policisë, rasti ka ndodhur më 8 nëntor 2026, rreth orës 23:20, transmeton IndeksOnline.

Në vendin e ngjarjes kanë dalë njësitet policore dhe ekipet e emergjencës. Viktima, e cila ende kishte shenja jete, është dërguar në QKUK për trajtim mjekësor, ku më pas është konfirmuar vdekja e tij.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

Policia e ka cilësuar rastin si “Hetim mbi vdekjen”./IndeksOnline/