Afrimiteti mes Fuegos dhe Olechkës në shtëpinë e Big Brother VIP Kosova 5 po bëhet gjithnjë e më i dukshëm, teksa dy banorët janë parë duke kaluar momente të afërta së bashku, larg pjesës tjetër të banorëve.
Në orët e vona të natës, ata janë shfaqur në shoqërinë e njëri-tjetrit, ndërsa në një moment reperi nga Prizreni shihet duke ia vendosur dorën Olechkës në bel.
Ngacmimet dhe afrimiteti mes tyre kanë nisur të vërehen që gjatë javës së parë të qëndrimit në shtëpi, duke nxitur kureshtje nëse mes dy banorëve mund të krijohet diçka më shumë se një shoqëri.
Foto: Screenshot/Instagram
Edhe pse ende nuk ka ndonjë konfirmim për natyrën e raportit të tyre, momentet e përbashkëta kanë bërë që ata të marrin vëmendje brenda shtëpisë.
Ndryshe, Fuego ka qenë i martuar dhe është i divorcuar, derisa afrimiteti i tij me Olechkën është një prej zhvillimeve që po komentohet në këtë edicion të BBVK-së.
Në anën tjetër, Fuego ka treguar më herët se jeta e tij personale ka kaluar nëpër sfida të shumta.
Mbetet të shihet nëse kjo afërsi do të vazhdojë edhe në ditët në vijim dhe nëse dyshja do të bëjnë hapa të tjerë drejt një raporti më të veçantë. /Telegrafi/