Kombëtarja e Kosovës në hendboll është mposhtur nga Hungaria me rezultat 20-34, në ndeshjen e zhvilluar të dielën në palestrën “Bill Clinton”, në kuadër të kualifikimeve për Kampionatin Evropian 2028.
Dardanët e nisën mirë përballjen ndaj një prej përfaqësueseve më të forta të hendbollit evropian, duke u përpjekur të rivalizonin kundërshtarin në minutat e para.
Megjithatë, pas 15 minutash lojë, hungarezët morën kontrollin e ndeshjes, duke krijuar epërsi si në lojë, ashtu edhe në rezultat.
Pjesa e parë përfundoi me epërsi prej pesë golash për mysafirët, 12-17.
Në fraksionin e dytë, Hungaria dëshmoi edhe një herë përvojën dhe cilësinë e saj, duke thelluar avantazhin dhe duke mos i dhënë Kosovës mundësi për rikthim në rezultat.
Në fund, Hungaria triumfoi me rezultat 34-20, duke i shkaktuar Kosovës humbjen e dytë në këto kualifikime për EURO 2028.
Kujtojmë se në ndeshjen e parë, Kosova ishte mposhtur nga Ishujt Faroe.