KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Shëndet

Kos e fasule, pa ilaçe, kështu jeton Qamile Marra, shqiptarja që pretendohet si më e moshuara në botë

Kos e fasule, pa ilaçe, kështu jeton Qamile Marra, shqiptarja që pretendohet si më e moshuara në botë

Qamile Marra, gruaja shqiptare që pretendohet të jetë personi më i moshuar në botë, është zbuluar se nuk përdor asnjëherë ilaçe, madje as për dhimbje koke.

Gazetari Blendi Fevziu ka realizuar një tjetër intervistë me 117-vjeçaren, e cila është lindur më 19 gusht të vitit 1909, si dhe me renë e saj. Kjo e fundit tregoi se Qamile Marra nuk merr kurrë ilaçe, madje as aspirinë për dhimbje koke.

Gjatë intervistës, 117-vjeçarja zbuloi edhe disa nga ushqimet që konsumon, duke përmendur dhallin, kosin, lakrat dhe fasulet.

Historia e saj ka tërhequr vëmendjen e mediave ndërkombëtare dhe është bërë virale në rrjetet sociale. Pas interesimit për moshën e saj të pazakontë, Marra është intervistuar edhe nga media prestigjioze, si BBC dhe Agjencia France-Presse (AFP).

Nëse datëlindja e saj konfirmohet zyrtarisht, ajo do të ishte dy ditë më e moshuar se britanikja Ethel Caterham, e cila njihet nga Guinness World Records si personi më i moshuar në botë që është ende gjallë.

E lindur gjatë periudhës së sundimit osman, Marra ishte 36 vjeçe në vitin 1945, pak para përfundimit të Luftës së Dytë Botërore.

Ajo e ka kaluar pothuajse të gjithë jetën në një fshat të Shqipërisë, ku është marrë me kultivimin e ushqimeve dhe kujdesin për bagëtinë, thuhet në raportimin e AFP-së.

E rrethuar nga pemët frutore dhe natyra, 117-vjeçarja ka ruajtur ndër vite një mënyrë jetese të lidhur ngushtë me punët e fshatit dhe ushqimet tradicionale.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.