Ekipi i ish-presidentit të Kosovës, Hashim Thaçi, ka bërë një postim emocional në rrjetet sociale, duke përcjellë një mesazh për mbështetësit e tij.
Në postim thuhet se Thaçi dëshiron t’ua shtrëngojë dorën dhe t’i përqafojë të gjithë, ndërsa shpreh bindjen se do të dalë i pastër në fund të këtij rrugëtimi, raporton IndeksOnline.
“Dua t’ju shtrëngoj dorën secilit nga ju, t’ju përqafoj të gjithëve dhe t’ju siguroj se do të dalë me çdo qelizë time të pastër si loti në fund të këtij rrugëtimi, që vazhdon me ju dhe për ju!”, thuhet në postimin e publikuar nga ekipi i tij.
Ekipi medial i Thaçit ka rikthyer së fundmi aktivitetin në profilet zyrtare në Facebook dhe X, ku po publikohen materiale dhe fotografi nga veprimtaria e tij politike dhe institucionale. /IndeksOnline/