KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kusari-Lila takohet me shefin e EULEX-it, në fokus stabiliteti institucional dhe klima e investimeve

Kusari-Lila takohet me shefin e EULEX-it, në fokus stabiliteti institucional dhe klima e investimeve

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka pritur në takim njoftues shefin e Misionit të EULEX-it, Antero Lopes.

Sipas njoftimit të ministrisë, gjatë takimit u diskutua për zhvillimet politike në vend, stabilitetin institucional, sundimin e ligjit dhe zhvillimin ekonomik të Kosovës.

Një ndër temat kryesore të diskutimit ishte krijimi i një ambienti të sigurt për investime dhe zhvillimin e veprimtarisë ekonomike.

Po ashtu, u trajtuan programet e MINTI-t në fushën e zhvillimit industrial, me theks të veçantë në projektin për ndërtimin e eko-parqeve industriale në Kosovë.

Ministrja Kusari-Lila ka folur edhe për progresin në avancimin e rendit dhe ligjit në të gjithë territorin e Republikës së Kosovës, si dhe për forcimin e institucioneve përgjegjëse për garantimin e sigurisë dhe stabilitetit.

“Përmirësimi i klimës së investimeve, rritja e mirëqenies ekonomike, qeverisja e mirë dhe avancimi i demokracisë mbeten ndër prioritetet e institucioneve të Kosovës”, thuhet në njoftimin e ministrisë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.