Gazetarja dhe autorja Mira Kazhani ka ndarë një rrëfim mjaft personal gjatë emisionit “Goca dhe Gra”, ku ka folur hapur për dëshirën e saj të madhe për t’u bërë nënë, një ëndërr që, siç ka treguar, nuk pati mundësinë ta realizonte.
Gjatë bisedës në studio, Kazhani u shpreh se, po të kishte mundësinë të kthehej pas në kohë, do të dëshironte t’i kishte ngrirë vezët. Ajo e konsideroi këtë një mundësi që vajzat dhe gratë duhet ta kenë parasysh, në mënyrë që të ruajnë më shumë alternativa për të ardhmen.
“Është mirë që t’i ngrijmë vezët. Le të jetë aty. Tani, të them të drejtën, unë në libër i kam rrëfyer të gjitha”, u shpreh ajo.
Në të njëjtën bisedë, moderatorja Ori Nebiaj tregoi se e ka kryer tashmë këtë procedurë, duke konfirmuar se ka menduar për këtë mundësi.
“I kam marrë masat”, tha Nebiaj.
Rrëfimi i Mira Kazhanit solli një diskutim të hapur për amësinë, dëshirën për t’u bërë prind dhe mundësitë që ofron sot mjekësia për gratë që dëshirojnë ta shtyjnë vendimin për të pasur fëmijë. /Telegrafi/
– YouTube youtu.be