Në shortin e 303-të të lojës së lotarisë “Sve ili Ništa” (Gjithçka ose Asgjë), u tërhoqën numrat 2, 3, 5, 6, 8, 11, 12, 13, 15, 18 dhe 21.
Një lojtar nga Zagrebi fitoi çmimin prej 80 mijë eurosh, ndonëse nuk qëlloi asnjërin prej numrave të tërhequr.
Lojtari kishte luajtur tri kombinime për dy xhiro të lotarisë. Ai nuk qëlloi asnjë nga numrat e tërhequr, por pikërisht kjo i solli fitoren në kategorinë zero pikë, të quajtur “Asgjë”.
Për biletën kishte paguar gjithsej 7.80 euro, ndërsa fitoi 80 mijë euro, shkruan index.hr.
Bileta fituese ishte paguar në pikën e shitjes së lotarisë kroate, “Hrvatska Lutrija”, në adresën Avenija Dubrovnik 16, në Zagreb.
Shorti i radhës i lojës “Sve ili Ništa” do të mbahet të shtunën, më 31 tetor 2026. /Telegrafi/
Burimi: telegrafi.com ↗